دێ چاوان سهرهدهريێ د گهل زارۆيێ توره كهين؟بهر زارۆ ههموو بابهتان تێنهگههشتيه و ههموو كاران تێناگههن و رامانا وان نزانن، لهورا دهمێ ئاريشهك ب سهرێ وان بهێت بێ گومان تێناگههن و تورهدبن، ئانكو ب تورهبوونێ بهرسڤ ددت ژ بهر نهشێت بينيته سهر زماني و دبيته سهدهما وێ چهندێ كو زارۆ ب ئێشيت و تهنگاڤببيت و دهوروبهران ژي د ناڤ ئێك ههلبكهت. لێ ل دهڤ زارۆيان تورهبوون ئاريشهكا مهزن بو وان پهيدا دكهت ژ لايێ دهرووني ڤه، و ههر ئێك ژ وان ب شێوهيهكێ جودا دهربرينێ ژ بوچوونێن خۆ دكهت (زارۆ يان مهزن) بێ جودابوون، ئهڤه دبيته سهدهما زێدهبونا (هورمونان).
هندهك ژ نيشانن تورهبوونێ ( سوربوونا سهرو چاڤ، لهرزينا لێڤان، لهرزينا دهستان و لهشي). جورين تورهبوونێ ل دهڤ زارۆيان: زارۆ د دهمێ تورهبوونێ دا دهمێ نهشێت دهربرينێ ژ بووچونێن خۆ بكهت ل سهر تشتهكێ ديار و ب توندي ب سهرڤه دچيت بۆ دهستڤهئينانا مافێ خو. تورهبوون دهمێ دبيته كهرب و كين. بۆ هندهك كهسان كارتێكرنا وێ بهردهوام دبيت ل سهر رۆژا وان ههميێ، زارۆ تورهبوونا خۆ ب شێوهيهكي نه ئێكسهر دهردئێخيت. ئهڤ رهفتاره ژ ئهنجامێ هندهك مهرجێن كو زارۆ تێدا دژيت، وي توره دكهن كو د ناڤا خۆ دا ب كهليت. بهلێ هندهك زاروك ههنه، ژ ژيهكێ بچووك هندهك رهفتار ل گهل وي پهيدا دبن، نموونه ب شێوهيهكي هشك و كين نێزيكي هندهك ههلويستان دبن، وهك شكاندنا ياريێن خۆ، نه حهزا ياري كرنا پێكڤه، زوو ب زوو رازي نابيت ياريێن خۆ بدهته ف زاروكێن دي، تورهبونا د ناڤ خودا دبيته سهدهما نهخوشيێن دهرووني ل دهڤ زاروكان وهك خهموكيێ. يا گرنگ ئهوه دڤي بابهتيدا كو مروڤ چهوا بشێت دان وستاندنێ د گهل وان بكهت بو ئاراميا ئاستێ تورهبوونا زارويان ئهوژي ب گوهداريا ئاخفتنا وان وسهدهما تورهبوونێ. و بزانن وان چ دڤێت و تێبگههن تورهبوونا وان وهك پڤدانكهكێ يه زوو د پهقيت و زارۆ پێدڤي ب هندهك شێوازێن راست و زانستيانه كو بشێن دهربرينا خۆ دهربێخن و ديار بكهن سهدهما تورهبوونا وان چييه و دڤێت دايك و بابان پهيوهنديهكا ئێكسهر د گهل زاروكي دا ههبيت كو بشێت يا دناڤ دلێ خودا بۆ دهربێخيت، يان ل گهل ئێكێ دي كو باوهري پێ ههبيت ، بشێت خو ژ توهربوونێ رزگار بكهت. زارۆيێن خۆ ژ گريێن دهرووني بپارێزن2010-12-20
جيهان كورهماركي
گريێن دهرووني ل نك مرۆڤي پهيدا دبن، ههر ژ زارۆكينيا مرۆڤي ژ ئهگهرێ چهندين فاكتهرا ژ وان:- دهمێ دايباب گهلهگ زارۆيێن خو دترسينن يان نازدار دكهن يان ههردهم زارۆ ههست ب گونههێ بكهت، ب ڤێ چهندێ زارۆ دێ ههست ب كێماسيێ كهت و گرداريێ كهت وهكو كهربێ، ئهڤجا دێ گهلهك گرێ ل نك پهيدا بن، و ههر وهسا ژ ئهنجامێ نهبوونا دلينيێ، يان ژ بهر ئهو تشتێ وي دڤێت ههبيت ژ خوارنێ يان ڤهخوارنێ يان جلكان، دبيت هندهك خێزان زارۆيێن خو ژ پۆليسا يان ماموستا ب ترسينن، داكو تهنا بيت و داخوازييا نهكهت ب ڤێ چهندێ دێ گريێن دهرووني ل نك پهيدا بن ژ ههمي زهلامێن پۆليس و ههمي ماموستا ههتا كو دزانيت كێماسيهكا ههيي ژ دهوروبهرا يان د وێنێ خو دا يان پهيوهنديێن جڤاكي دا يان د رهوشا وي يا ساخلهمي دا يان يا ئابوۆري.
ديسا دێ ههست ب كێماسيێ كهت و ئهڤ ههسته ژي يا سروشتي يه و دبيت پالدهر بيت بۆ چاكسازييا وي بۆ وان عهيبا و كێماسييا قوتابي دهمێ دبينيت ئێك ژ وي زيرهكتره ههول دهت چاڤلێكرنا وي بكهت. نوشدارێن بسپورێن دهرووني يا زارۆييان دبێژن گرێ ل نك زارۆييان چێ دبيت ل گورهي پێنج سالێن دهسپێكێ ژ ژيێ وان دڤێت دايك شيردانا سروشتي بدهته زارۆيێ خو و دهمێ شيردانا سروشتي ژي نهبيت دڤێت دايك زارۆيێ خو بدانيته بهر سينگێ خو و راكهت دا زارۆيێ وي دوور بيت ژ گرێيا دبيت تووش بيتێ ژ ئهگهرێ نه شيردانا سروشتي دهمێ ل بهر سينگێ دايكا خو دێ گوهـ ل دهنگێ دلێ دايكا خو بيت ههكه وهسا نهبيت دێ ههست ب زولمێ كهت و دژايهتيێ ل سهر مافهكي ژ مافێن وي و دێ مينته ل نك ههمي ژيانا وي. ههروهها دايك دڤێت زارۆيێ خو نههێليت بۆ ماوهيهكێ درێژ ب تنێ، چونكو دێ ههست ب خهموكيێ كهت ل دهمێ مهزن بيت. ژ تشتێن گرنگ توندوتيژيێ ل گهل زارۆيێ خو بكارنهئينن و ل وي نهكهنه قێژي، گهفا ل زارۆيێن خو نهكهن و تڕانا پێ نهكهن ب قوتانێ. دڤێت باب كوڕێ خو ل گهل خو بهته سهرهدانا. و دايك ژي كچا خو بهته بازاري و سهرهدانا ههڤالێن خو بكهت. كچ وهكو دايكا خو دكهت، لێ پتر حهز ژ بابێ خو دكهت، كوڕ وهكو بابێ خو دكهت، لێ پتر حهز ژ دايكا خو دكهت، نوشدار شيرهتا دكهن دهليڤهكێ بدهنه زارۆيێ خو دا كار ب چالاكيێن خو بكهت، ئهو پێدڤي هندهك ههڤالانه و دهركهڤتنێ ل گهل ههڤالێن خو، گريێا دهرووني چێ دبيت ل نك زارۆييان دژيێ د ناڤبهرا پێنج ههتا دوازده سالان دا، ژ ئهگهرێ دڤێت كۆمهكا ههڤالان ل گهل بيت و دهرڤهيي خێزانێ بيت و مالا خو ژي دێ فهراموش كهت ژ ئهگهرێ مانا وي ل سهر كاري و جێ به جێ كرنا گهلهك سهركهفتنا دڤێت خێزان پێدڤيێن زارۆيێن خو ژ ههر قووناغهكێ ژ قووناغێن وهرارا وي دابين كهت. |
Hijmarên kevin
Hijmara 136 Hijmaja 135 Hijmara 134 Hijmara 133 Hijmara 132 Hijmara 131 Hijmara 130 Hijmar 129 Hijmara 128 Hijmara 127 Hijmara 126 Hijmara 125 Hijmara 124 Hijmara 123 Hijmara 122 Hijmara 121 Hijmara 120 Hijmara 119 Hijmara 118 Hijmara 117 Hijmara 116 Hijmara 115 Hijmara 114 Hijmara 113 Hijmara 112 Hijmara 111 Hijmara 110 Hijmara 109 Hijmara 108 Hijmara 107 Hijmara 106 Hijmara 105 Hijama 104 Hijmara 103 Hijmara 102 Hijmara 101 Hijmara 100 Hijmara 98 Hijmara 97 Hijmara 96 Hijmara 95 Hijmara 93 Hijmara 92 Hijmara 91 Hijmara 90 Hijmara 89 Hjmara 87 Hijmara 86 Hijmara 85 Hijmara 84 |