Loading...
توپ دهوك
ده ستپیک
بابه ت
ئيسلامی
ههمهرهنگ
هونهر
زانست ۆ ساخلهمی
رهوشهنبیرى
ئابۆر
ئهدهب
پێزانين
توپ کومپیوتهر
پروگرام
يارى
زاروك
توپ موبايل
توپ وێنه
توپ موزيك
توپ ڤیدیو
داخوازى
كوربهند
سترانبێژ ئهحمهد زێباري: ژ بهر سترانێن شۆرهشگێري كهفتيمه بهر سێدارهدانێ
2010-12-06 ئاكرێ، ئازاد مستهفا:
سترانبێژ ئهحمهد زێباري ئێك ژ وان هـونهرمهندا نه يێ كو خزمهتهكا بهرچاڤ د بوارێ ستران گۆتنێ دا هـهي و شيايه هـهتا (002) بهرهـهمان وهكو كاسێت تومار بكهت و گازندهيان دكهت كو هـهتا نهـو چ جوره هـاريكاري بۆ نههـاتيهكرن و ئهگهرێ دور كهفتنا خۆ ژي بۆ كهنالێن كوردي د زڤرينتهڤه و تهحهدايێ دكهت كو هـهتا نوكه چ هـونهرمهندان هـندي وي ستران ژ بهرنهكرينه،
دڤێ دهربارێ دا هـونهرمهند ئهحمهد زێباري بۆ رۆژنامهيا ئهڤرۆ گۆت: ل دهسپێكا سالێن حهفتيان و هـێشتا ئهز يێ بچووك من حهزا ستران گۆتنێ هـهبوو، دهمێ ژيێ من بوويه (01) سال من ستران د گۆتن، چونكي دهمێ من گوهـداريا هـهر سترانبێژهكي كربا دا سترانێن وي د سهرێ من دا تومار بن، و بابێ منێ رهحمهتي ژي ستران دگۆتن ، بهلێ ل وي دهمي من شهرم دكر ب رۆژ سترانا بێژم، بتنێ من ب شهڤ دگۆتن، هـهتا سالا 3791ێ ئهز هـاتمه ئاكرێ من بۆ تومارگههـا دهنگێ هـونهر و تومارگههـا ئاوازێن مللي كاسێتهك توماركر، پشتي وي بهرهـهمي ئهز ناسيار بووم، لێ ل دهڤهرا مه ل زێبارێ و نههـلێ ل وي دهمي شهرم بوو سترانا بێژم، چونكي من ل وي دهمي بۆ خۆ تهمبورهك كڕي پسمامێ من تهمبورا من شكاند و گۆته من ته ئهو پاره دابانه ب چێلهكێ باشتر بوو دا بۆ خۆ تێر ماستي ژێ خوين، لێ من هـهر ستران دگۆتن و هـهتا كو ئهز ل دهڤهرا مه ژي بهرنياسبويم، و ل سالا 4791ێ بارهگايهكێ پێشمهرگهي ل دينارتێ بۆ ب هـهلكهفتا شورهشا ئيلونێ هـاتنه هـنارتن ب دوويڤ من را و من ستران ب شورهشێ دگۆتن، پاشان من كاسێتهك دگهل ميران هـهركي و سهعيد گاباري توماركر و دچوومه دهـۆك و زاخو و هـهولێرێ و من ستران دگهل ئهردهواني و ئهيازي ژي گۆتن و هـهتا ئهز بوويمه ئهحمهد زێباري.
دووڤ دا زێباري هـاته سهر بهرهـهمێن خۆ و گۆت: هـهتا (002) بهرهـهمان وهكو كاسێت من هـهنه، چونكي من هـهمو جورێن سترانێ گۆتينه، سياسي، ئهڤينداري، فولكلوري، شهڤهروك، هـهتا من سترانێن ئاييني ژي گۆتينه، بتنێ من سترانێن شهران نهگۆتينه، چونكي سترانا شهرا دڤێت تۆ مهدحێن عهشيرهتهكێ يان ئاغايهكي تێدا بكهي، لهورا من حهز ژ ڤێ سترانێ نه دكر، و ئهز نهـو ژي تهحهدايێ دكهم ل هـونهرمهندێن كوردستانا باشوور و باكوور و ل بادينان و سورانان ژي هـندي من ستران ژ بهركرين، چونكي ئهز دشێم سێ رۆژان سترانا بێژم و دووباره نهكهمهڤه .
دهربارهي چێكرنا كليپان ئهحمهد دبێژيت: وهكو كليپ دو هـهتا سێ كليپان من هـهنه، چونكي ب راستي من حهز ژ كليپان نهكريه و ئهگهر من بڤێت كليپا دروست بكهم من دڤێت ب شێوهيهكێ پروفشينال بيت نهكو ئهز كليپان چێناكهم و هـهتا نهـو ژي ئهو دهليڤه بۆ من هـهلنهكهفتي يه كو كليپێن وهكو من دڤێن چێكهم، لێ ب ئانههـيا خودێ دێ كليپان ژي چێ كهم، و نهـو تهلهفزيونا دهـۆك ل بهره بۆ من سترانا (پيره پاييزوك) كلپيب بكهن.
ل دۆر ئهگهرێن دوركهفتنا خۆ تارادهيهكي ژ هـونهري زێباري دبێژيت: ئهز ژ هـونهري دور نهكهفتيمه و يێ بهردهوامم هـهتا نهـو ژي، من بتنێ كێشهكا خێزاني هـهبۆ و يا تايبهت بوو، نه يا هـندێ بوو كو دهزگههـێن ميديايێ وهكو تلهفزيون و راديو خۆ لمن بدهنه پاش، ئارێشا من چ پهيوهندي ب دهزگههـێن ميديايێ ڤهنهبوو، لهورا ئهز ڤێ دور كهفتنێ دئێخمه ستويێ وان و نه بتنێ بۆ من بۆ هـونهرمهندێن ژ من مهزنتر ژي و يێن دژيێ من دا ژي خزمهتا وان ناكهن، ب تنێ خزمهتا وان هـونهرمهندان دكهن كو كچهكێ يان دو كچان بينن و دگهل خۆ سهمايێ پێ بكهن و پهيوهنديا دگهل كارمهندێن كهنالان دروست دكهن داكو بۆ وان كار بكهن، ئهز ژي ڤان جوره كارا ناكهم و من ئهو پهيوهندي نينه، نهكو ئهز ل هـونهري دوور كهتيمه و هـهتا يێ ساخم دێ بهردهوام بم.
زێباري گازنده كرن و گۆت: هـهتا نهـو چ بۆ من نههـاتيهكرن و مافێ من يێ هـاتيه خوارن و هـێشتا پارچهيهكا عهردي ژي نهدايه من، خوزي بتنێ مافێ هـونهرێ من دا بامن داكو بزانم كو من كارهكێ پيرۆز يێ هـهلبژارتي و بوهـايێ خزمهتا من ب هـهروه نهچيت، بهلێ ئهز نهـو خۆ ب مهغدور دبينم و ئهز چ جاران نه بوويمه بهعسي و نهبوويمه چهته ژي، سهرا سترانێن شورهشگێري ئهز كهتيمه بهر سێدارهدانێ، هـندهكا بۆ خێرا خۆ ئهز يێ ژ سێدارێ خلاس كريم و ئهز گازندهيهكا تايبهت ژ ئاكرێ دكهم، چنكو كهسێ بهري من ستران ب ڤيانا ئاكرێ نه گۆتينه، لێ موخابن رهوشهنبير و كار ب دهستێن ئاكرێ پشتگيري ل من نهكريه و وان ژي ئهز يێ ب پشتگوهـ ڤه هـاڤێتيم.
ل دۆر ئاستێ سرانا نوو ژي گوت: هـهر چهنده ئهز حهز ژ سترانا نوي دكهم بهلێ ژيێ وێ يێ كورته و ناگههـيته سالهكێ و خهلك زوو ژێ تێردبيت و هـندي سترانا رهسهن و فولكلوري يه چ جاران نامريت چونكي يا دگهل خوينا كوردهواريێ تێكهـهل بووي. ل دۆر دووماهـي پروژهيێ خۆ يێ سترانگوتنێ ژي ئهحمهد زێباري گۆت: من ل بهره بۆ سالا 1102 ێ ئهگهر دهليڤهك بۆ من دروست بوو دێ بهرهـهمهكي نو دروست كهم و هـندهك سترانێن سهردهم بێژم و هـندهك كليپان ژي دێ چێ كهم، بهلێ هـيڤيدارم كو دهزگههـهك يان حكومهت هـاريكاريا من بكهت چونكي هـهتا نهـو حكومهتێ چ هـاريكاري بۆ من نهكريه.
راڤۆ شهريف: د شانۆيێ دا ههكه رهخنه ل سهر بنياتێ ئهكاديمي بيت كارهكێ پيرۆزه
2010-12-09 زاخۆ، چيمان كانيكي:
شانۆڤان و هونهرمهندێ دهڤهرا زاخۆ راڤو شريف دبينيت كو گهلهك كێشهيێن جڤاكي ب رێكا شانۆيێ دێ هێنه چارهسهركرن و رهخنا دروست د شانۆيێ دا رێكهكه بۆ دروستكرنا گهلهك لايهنان و دڤێت شانۆڤان سهربورا نڤيسهرێن جيهاني بزانن و خۆ شارهزا بكهن د كاري خۆ دا.
شانۆڤان و هونهرمهند راڤۆي دياركر كو وي بارهك ژ ژيانا خۆ ل پهنابهريێ بورانديه و كو ب وێ رێكێ نێزيكي هونهرێن وان وهلاتان بوويه و گۆت: ههر كهسهك دڤێت خۆ بهرپرسيار بزانيت د وي كارێ ئهو دكهت چونكو ههموو كار ب بهرپرسيارهتينه و مرۆڤ ب كارێ خۆ رێكا جڤاكێ خۆ دگوهوريت. راڤۆي ديار كر كو وي ل دهرڤه پهيمانگهها هونهرێن جوان بهشێ درامايێ دووماهي ئينايه كو وي خواستيه كاري د ڤێ چهندێ دا بكهت و گوت: مللهتێ كورد د ديرۆكا خۆ دا گهلهك نهخوشي ديتينه و ئهڤ چهنده ههموو فلمێن دروستن و هونهر دشێت مللهتێ مه بهرهف ئارهستهكا جيهاني ڤه ببهت. ل دۆر زاخۆ و ئهو كارێ لێ د هيته كرن راڤۆي گۆت: ل زاخۆ ههموويێ ب تنێ تيپهكا هونهري يا ههي و ئهو تيپه ژي يا مريه، دڤێت كێماسي چارهسهر بن و تيپێن شانۆيێ ههبن و سهرانسهرێ كوردستانێ شانو د ئاستهكێ گهلهك لاواز دايه.
ل دۆر پهيمانگهها هونهرێن جوان هونهرمهند راڤۆي ديتنا خۆ يا كهسوكي دا و گۆت: ل سهر بنياتێ زانستي ئهڤ قوتابيه ناهێنه وهرگرتن و وان بۆ خۆ مفا ژ سهربورێن وهلاتێن جيهاني وهرنهگرتيه.
پرسيارهكا مه ئاخفتنا راڤوي بري كا بۆچي ئهو ناچيته پهيمانگهها هونهرێن جوان وهك مامۆستا كو وي سهربورا دهرڤه ديتيه و ل وێرێ خوانديه وي دياركر كو وي هزرا خۆ د وێ چهندێ دا نهكريه لێ يێ ئامادهيه د وارێ تهكنيكي دا هاريكاريا وان بكهت ئهگهر ئهو پێدڤي شيانێن وي بوون.
ل دۆر ڕيڤهبهريا سينهمايا دهوكێ وي ئاشكرا كر كو ئهڤ چهنده پينگاڤهكا باشه و دڤێت ئهو تايان ل ههموو جهان ڤهكهن و كادرێن وان ژي دكێمن و د بێ هاريكاري نه.
راڤۆي ئاشكرا كر كو ئهو نه د گهل وێ چهندێ يه كو خۆ ب كارێ خۆ بهرنياس بكهت و گۆت: زۆر كهس ههنه ههر زوو بهرنياس د بن لێ ئهز يێ كاري دكهم ب بهرزهي و حهز دكهم د گهل ههستان كار بكهم و كار ژي يێ د گهل ههستان ئهگهر مهرهما من تشتهكێ دي بوو وي دهمي ئهز نهشێم پهياما خۆ بگههينم بلا هونهر ژي بهێته موخل كرن و ههموو كهس زوو زوو شانازيێ ب خو نهبهن كو ئهو هونهرمهندن يان سترانبێژ.....هتد ل دۆر رۆلێ تهكنولوجيايێ بۆ پێشكهفتنا هونهري راڤۆي ديار كر كو باشي و خرابي يێن ههين دڤێن شارهزايي د گهل بهێته كرن كو د گهلهك كاران دا ئهڤ چهنده ناهێته كرن كو گهلهك جاران دهقێن بياني دهما دبنه شانۆ لاوازي ههنه كو دهما ل سهر دهپێن شانويێن، بياني دهێته كرن جياوازيێن مهزن يێن ههين كو نهشێن ب دروستاهي بكاربينن.
راڤۆي گوت: ئهم وهك كتكا گێژ يێن لێهاتين و ههر شانۆيا ههبيت ئهم دچينه پێش كو ههر دهقێن عهرهبا ڤهگوهاستنه زمانێ خۆ ئهم ئێكسهر دكهينه شانۆ و ئهم ناچينه بنياتێ ڤێ شانويێ.
زێدهتر راڤوي گۆت: ئهڤ چهنده كارتێكرنهكا گهلهك مهزن ل مرۆڤي دكهت، چونكو كولتورێ عهرهبي و ئيسلامهتيێ كارتێكرن يا ل سهر تهماشهڤاني ههي دڤێت ئهم پتر دهستێ خۆ بلند بكهين.
ل دووماهيێ راڤۆي ديار كر كو ههكهر سينهماڤانان ڤيا سينهمايێ پێش بێخن دڤێت ئهكتهرێ شانويێ رۆلي ب دهتێ و د دهقێن دهێنه بكارئينان دڤێت ئازاديا بيرو رايان تێدا بيت.
ب پشكدارییهكا بهرچاڤا سینهماكارێن كورد فهستیڤالا نێڤنهتهوهییا بهغدایێ دهستپێكر
بشار محهمهد طاهر 2010-12-05
دوهى ئێكهمین خولا فهستیڤالا بهغدایێ یا نێڤنهتهوى ب نیشاندانا فلمێ (كوڕێ بابلێ) یێ دهرهێنهرێ ئێراقییێ گهنج دهستپێكر، چیڕۆكا ئهڤى فلمى لدۆر ژنهكا كورده كو دگهل نهڤیێ خوه پشتى ژنافچوونا رژێما گۆربگۆر قهستا دهڤهرێن ژێرییا ئێراقێ دكهن داكو ل كوڕێ خوه یێ ل سهردهمێ رژێمێ هندابووى بگهرهن، ئهڤى فلمى دهنگڤهدانهكا جیهانییا باش ههبوویه و ژ ئێكهمین فلمێن ئهرهبێن ئێراقێیه كو ل ئهورۆپایێ و ئهمریكایێ دهێته نیشاندان ول فهستیڤالێن مهزن پشكداردبیت. ههژى گۆتنێ یه بهرى نوكه هاتبوو ئاشكهراكرن كو دێ فهستیڤال ب فلمێ (نیڤهكا ههیڤێ) یێ بههمهنێ قوبادى دهستپێكهت ههردیسان دهێته چاڤهرێكرن فلمێ (كیسهلهژیك دفڕن) ههر یێ ئهڤى دهرهێنهرى ئهوژى بهێته نیشاندان ل رۆژێن دووڤدا. فهستیڤالا بهغدایێ ژێر ناڤێ (وهلاتێن ههڤسى) دێ ب پشكدارییا چهندین فلمان برێڤهچیت و چهندین دهرهێنهرێن كورد ژى تێدا دپشكدارن وهكو (جانۆ رۆژبهیانى، شهوكهت ئهمین، حسێن حهسهن و بههمهن قوبادى و...هتد) خهردیسان تشتێ دى یێ بهرچاڤ د فهستیڤالا بهغدایێ دا ئیرانێ پشكدارییهكا بهرچاڤ كریه و چهندین دهرهێنهرێن ئهوى وهلاتى پشكدارى كریه. ژ لایهكێ دووڤه (قاسم محهمهد سهلمان) رێڤهبهرێ سینهمایێ ل رێڤهبهرییا سینهمایێ و شانۆیێ ل وهزارهتا رهوشهنبیرییا ئێراقێ بۆ ئهژانسا دهنگوباسێن كوردستانێ ئاشكراكریه كو دئهڤێ فهستیڤالێدا زێدهبارى سینهمایا ئێراقى دێ سینهمایا كوردى پشكدارییهكا بهرچاڤ ههبیت ههردیسان سینهمایا جیهانى، ههردیسان دیاركر و گۆت: چاڤهرێبوو ئهڤ فهستیڤاله ل 25/11 هاتبا ئهنجامدان لێ ژبهر گیرۆبوونا دروستكرنا هۆلێ ئهڤ چهنده هاتبوو پاشخستن. ههژى دیاركرنێ یه كو فهستیڤالا بهغدایێ دێ یابهردهوامبیت ههتاكو 8ى ڤێ ههیڤێ و دێ 7 وهلات پشكدارییێ كهن ئهوژیك (كۆێت، ئۆردن، توركیا، سۆریا و ئیران زێدهبارى ئسپانییایێ و ئهزربێجانێ وهكو مێڤانێن فهستیڤالێ. قاسم ژلایهكێ دیڤه لدۆر پشكدارییا سینهماكارێن كورد گۆت: فلمێ نیڤا ههیڤێ یێ بههمهن قوبادى، جههك بۆ یاریێ_ شهوكهت ئهمین، پهیڤێن دگهل باى _ شههرام، ههرمان_ حسێن حهسهن، كۆلانا ترسێ_ حهسهن عهلى....هتد) زێدهبارى فلمێن ئهڤان دهرهێنهران (حسێن سپودین، تها كهریم، هیشام زهمان...).
ئێك مۆمك دو مۆمك ل ئاكرێ دهێته وێنهكرن
2010-11-22
ئاكرێ، دلدار ههركي:
دهمهكه جانو ڕوژبهياني دهرهێنهرێ سينهمايي يێ كوردێ ناڤدار ل ئاكرێ دهست ب وێنهكرنا فلمێ خو يێ نوو كر ئهوێ ل ژێر ناڤێ (ئێك مۆمك دو مۆمك).
ئهڤ فلمه ل سهر ئاريشهيێن جڤاكي يێن مللهتێ كورده، نهمازه سهرهدهريكرنا جڤاكي يا نهرێني دگهل ژنێ. فلمێ ناڤبري ب ڕهنگهكێ كوميدي يێ سهرنجڕاكێش دێ هێته بهرههم ئينان و هژمارهكا زۆرا ئهكتهرێن كورد و بياني ژ ههر چوار پارچهيێن كوردستانێ و ژ ئهرمينيا د گهل ئهكتهرهكا ناڤدارا ئهلماني تێدا د پشكدارن.
ل دۆر ڤي فلمي جانو روژبهياني بو روژنامهيا ئهڤرو گوت: فلمێ ئێك مۆمك دو مۆمك ل دور ئاريشهيێن جڤاكي و چاوانيا سهرهدهري كرنا جڤاكي يه دگهل ژنێ و فلمهكێ تا ڕادهيهكي تراژيدي يه، لێ بههرا پتر يا فلمي دێ كوميدي بيت و مهرهما من ب چێكرنا ڤي فلمي ئهوه ئهز رويێ جوان يێ كوردان و سروشتێ ڕهنگينێ كوردستانێ نيشا جيهانێ بدهم. ژبهر هندێ من كوميدي بكارئينايه داكو ببيته بالانسهك داكو لايهنێن باش يێن مللهتێ كورد نيشا خهلكي بدهم ژبهركو ههر مللهتهكي لايهنێن باش و خراب ههنه من ژي ڤيايه لايهنێن باش يێن مللهتێ كورد و فهرههنگ و ديروك و كلتورێ مللهتێ خو دگهل جوانيا سروشتێ وهلاتێ خو نيشا دونيايێ ب دهم ژبهر وێ چهندێ من باژێرێ ئاكرێ ههلبژارت ژ بهر كو باژێرهكێ جوانه و تا نهو سينهمايێ ئهو ديمهنێن جوان يێن ئاكرێ بكار نهئيناينه لهوما مهگوت ئهم بلا ببينه ئێكهمين و مه ئاكرێ كريه بنگههێ سهرهكي يێ وێنهكرنا ڤي فلمي و مه ئهكتهر ژ ههر چوار پارچهيێن كوردستانێ باكوور و باشوور و روژههلات و روژئاڤا و روسياو ئهلمانيا و ل ههمو باژێران وهكو دهوك، ههولێر، ئاكرێ، زاخو، سلێمانيێ مه ههلبژارتينه و دێ تێدا بهشداربن و مه ئهكتهرهكا ئهلماني ژي ئينايه كو ڕولێ كچهكا كورد دگێريت دڤي فلمي دا و چهند ژمه بهێت ئهكتهرێن لوكال بكاردينين ب تايبهت ئهكتهرێن ئاكرێ ژبهركو فلم ل ئاكرێ يه.
گولبهار كاڤجو ئهكتهرهكا كورده ل باژێرێ ئيستهنبولێ هاتيه بۆ ئهڤرۆ گۆت: ئهز ل كوردستانا باكور هاتيمه بهشداري ڤي فلمي ببم، ئهزا كهيفخوشم كو ئهز هاتم باژێرهكێ گهلهكێ خوهش ل كوردستانێ ئهوژي باژێرێ ئاكرێ يه دخهيالا منژي دا ههبوو ئهز بهێمه ئاكرێ لێ ئهڤ فلمه بوو سهدهم و هاتم من ديت.
كاترين ئهندهر ئهكتهرهكا ئهلماني يه بو پشكداري كرنێ دوي فلمي دا ل ئاكرێ يه دبێژيت: ئهز ژ ئهلمانيا هاتيمه و ڕولێ من يێ سهرهكي يه وهكو كچهكا كورد دهێمه نيشاندنان دوي فلمي دا و ئهز پێخوشم ل ناڤ وان ديمهنێن بالكێش دا.
وهحيد بههديني ژي وهكو ئهكتهر يێ پشكداره گۆت: ب راستي پێخوشم كو پشكداري ڤي فلمي دبم ژبهركو چيرۆكا فلمي ب دلێ منه و ديمهنێن كوميدي يێن بالكێش تێدا ههنه و ڕۆلێ من ئهز خودانێ خوارنگهههكێ مه و سازێ دژهنم ل تاكو خهلكي مژول بكهم ههتا كورێ من ماسيێن د ئاڤێ دا بگريت و ئهز بو بقهلينم.
سهنتهرێ ژهنين دێ ئاميرێن موزيكا كوردي ژ مرنێ پارێزيت
پشتي بو دهمێ چهند سالهكان د ناڤ مالا خۆ دا ب كارێ دروستكرن و پاراستنا ئاميرێن موزيكێ ڕابوي و خهون ب دانانا سهنتهرهكێ چێكرن و پاراستنا ئاميرێن موزيكي يێن كوردي د ديتن، ل حهفتيا بوري ژ نوو بۆ خودان ئاڤاهيهكێ تايبهت و دێ ژ نهو وێڤه ب دارێن گويزێ و توويێ وان ههمو ئاميران درويت كهت ههمو كهرهستهيێن وي دێ د خومالي بن.
عزهت دين تهمو بهرپرسێ سهنتهرێ ژهنين بۆ پاراستنا ئاميرێن موزيكا كوردي دياركر كو سهرهراي ديتنا گهلهك زهحمهتێ ئهو شياينه لڤێ دووماهيێ ب ههڤكاريا دهزگايێ خێرخوازي بارزاني ببنه خودان ئاڤاهي و بۆ ئهڤرۆ گۆت: مهرهم ژ ڤهكرنا ڤي سهنتهري ئهوه ئاميرێن موزيكا كوردي بپارێزين ژ بهر كو مهههست پێ دكر ڕۆژ بو ڕۆ ژێ يێ بهرهف نهمانێ دچن.
ديسان گوت: ئهڤه دۆرێن 7 سالانه ئهز ل كوردستانێ كارێ پارستن و دروستكرنا ئاميرێن موزيكي دكهم د ملا خودا و من نهدشيا ڤێ سهنتهري ڤهكهم لێ ب پشت راستيڤه دێ بێژم پشتي ئهم ب ئاڤاهي كهتين دێ شێين پتر كار كهين و كهرستهيێن ئهم بكار دئينين ژي ژ داراێ تاوكێ و گيزێ و كهڤوتێ و گهلهك جۆرێن دي يێن داري ههموو ل كوردستانێ ههنه و دێ شێين پهيداكهين.
بهرپرسێ سهنتهري ئاشكهراكر كو ئهو دشێن د ئێكهم پێنگاڤدا تهمبورا كوردي د دووڤدا عود و كهمانا چێكهين و گۆت: دێ بزاڤ هێنه كرن بۆ فێركرنا خهلكهكێ حهزا كاري ههي و دێ ژنهۆ وێڤه مه پهيوهنديێن باش دكهل ههمي دام و دهزگههێن هونهري ههبن.
تهموي ئهو ژي دياركر كو ئهو وهك سهنتهر دێ خولێن فێركرنا موزيكێ ژي ڤهكهن.
ل دوماهيێ ژێ گۆت: كوردستان گهلهكا دهولهمهندهو ههمو تشت يێن لێ ههين لێ ههكهر پشتهڤاني ههبيت دێ كهسانێن خودان شيان شێن پتر كارێن خۆمالێ بهرههم ئينن. نهشوان سابر عهلي رێڤهبهرێ دهزگاي خێرخوازي بارزاني ژي گۆت: مه وهكو دهزگا دهليڤه دا هونهرمهند عزهدين تهموي كو سهنتهرێ خو د ئاڤاهيێ مهدا ڤهكهت و دێ پێكڤه گهلهك كاران ئهنجام دهين.
ب پشكداريا چوارده وهلاتێن جيهاني بۆ جارا ئێكێ فيستهڤالا گهلان ل كوردستانێ دهێته كرن
2010-11-11
ههولێر، چيمان كانيكي:
گهلهك يا سهير بوو، بۆ ئامادهبوويان كو بۆ جارا ئێكي ل سهر دهپێن شانويێن كوردستانێ ئهڤ ديمهنێن ئهم د تهلهفزيونان دا دبينين ل سهر دهپێ شانوێن خۆ ببينين.
كو رێزا ئێكي يا ئامادهبوويان ههموويان پوستێ خۆ ژ بير كربوو و سهرسورماني ل سهر دێمێ وان ئاشكرببو و دهست ب چهپله قوتانێ دكرن.
دهما گرۆپ گرۆپ دهاتن و سهمايێن وهلاتێن خۆ نيشان ددان و ب وێرهكييهكا مهزن كو گرۆپێن كورستانێ ژي خۆ ژ وان كێم تر نهديتن وان ژي ههمو شيانێن خۆ د مهزاختن.
ب پشكداريا چوارده وهلاتێن جيهاني فيستهڤالهكا مهزن يا نيشاندانا كهلتورێ كهڤن يێ گهلان ب رێكا سهمايێن كهلتوري ل كوردستانێ هاته كرن، كو ئهڤ فيستهڤاله ل كهلارێ برێڤه چوو و ل ههولێرێ ل رۆژا شهشێ ب دووماهي هات.
كو گرۆپێن كوردي ژي د گهل دا بوون.
فاغين يونويا ئهندامێ گرۆپێ بهرازيلي كو دهما مه ڤياي وێنهكي بۆ خۆ بگريت ئێكسهر وي ژي خۆ هاڤيته ناڤ كومێ دا ب جلكێن كهلتوري و ههڤالا وي ژي ب كاميرا خۆ وێنهك گرت، دهما مه ژێ پرسيار كري كو بهري نوكه وي چ پێزانين ل سهر كهلتورێ كوردستانێ بوون وي ئاشكرا كر كو ئهڤه گهلهك پێنگاڤهكا مهزنه كوردستان دكهت، چونكو ئهڤ فيستهڤاله ب تنێ وهلاتێن مهزن دشێن بكهن و كوردستانێ ئهڤ چهنده بۆ جيهانێ ئاشكرا كر.
فاغيني گوت: ئهز چوويمه گهلهك وهلاتان بۆ فيستهڤالان جهماوهر گرنگيێ ب مه ددهن لێ پێزانين ژي ل سهر گهلي مه ههنه ئانكو كارێ مه بۆ وان گهلهكێ سرۆشتيه، لێ ل كوردستانێ پێچهوانه بۆ كو دهما گرۆپێن كوردي هاتين كارێ وان بۆ من سهرسورماني بۆ و بهرامبهري ژي كارێ مهژي بۆ وان گهلهك يێ سهرسورمان بوو.
سهبارهت جلكێ كوردي و سهمايا وان بهرامبهري يا بهرازيلێ، فاغيني گۆت: راسته جلكێ مه بارا پتر يێ تهنهكورريه ئانكو نه يێ جوانكاريێ يه، بهلێ يێ كوردستانێ يێ جوانيێ يه و ههكه ئهز كورد بام دا ههردهم بهس جلكێن كوردي ل بهر خۆ كهم، لێ يێ مه تۆ نهشێي ههتا كو بۆ شههيانێ ژي يێ ب زهحمهته چونكو ههموو ژ پهرێن عهلوكا و مريشكا هاتينه چێكرن.
ئهڤ فيسهتڤاله شهش رۆژان يا بهردهوام بوو كو ڤان گرۆپان كوردستان ژ كهلاري ديت تا هاتيه سليمانيێ و ل ههولێرێ ب دووماهي هاتي ههروهكو ئومێد سهعدوللاي ريڤهبهرێ رۆشهنبيري و هونهري ديار كري كو ڤان گرۆپان گهلهك جهێن كوردستانێ يێن مێژووي ديتن و ئهڤه دێ بيته پرهك دناڤبهرا مه و ڤان وهلاتان دا.
ماجد حهمدي هونهرمهند و شێوهكار كو بهشداري ڤێ فيستهڤالێ ببو بۆ ئهڤرۆ ئاشكرا خهلكێ كورد گهلهك پێدڤي ب ئهڤان جورێن فيستهڤالانه، چونكو ئهڤ فيستهڤاله مهژيێ خهلكێ كوردستانێ ڤهدكهن سهبارهت گهلهك تشتێ خهلكێ كورد نهديتي و پتر بۆ وان دبيته هاندان بۆ دامهزراندنا گرۆپێن هووسان يێ، خهمخور و وێرهك.
ماجدي خالهكا گرنك ئاماژه پێ دا كو وهك وي گوتي تشهكێ رهق ييێ د ناڤ گرۆپێن سهمايێ يێن كوردي دا ههي كو پرانيا وان گرۆپێن كوردي د ڤێ فيستهڤالي دا د بهشدار ل بهر موزيكا نوكه يا سهردهم سهما دكر و رۆل نهددا كچێ ئانكو كچێ رۆل نهددا خۆ ئهگهر ههبا ژي پێكڤه سهمايهك دكر و دچوون، لێ د گرۆپێن دي يێن جيهانێ كچێ گرۆپ ب رێڤه دبر و وێ ستران و دگوتن و زارڤهكرن دكر و ههموو كلتورێ بهرا ئاخفتنێن بهرێ دگوتن ب رێكا سترانێ يان ئاخفتنا ب لهز.
سهبارهت كلتور و هونهري بهرێ يێ كوردان ماجدي گوت: ل بهرێ مه گهلهك كارێن وهك ڤان گهلان دكرن و مهزنتر لێ هێدي هێدي ژ ئهگهرێ شهرمێ و نه وێرهكيێ يێن دهێنه ژ ناڤبرن كو حهيرانوك مه ههنه ياري شانوگهري..هتد مايا لوكيت ئهنداما گرۆپێ كولمپي بۆ ئهڤرۆ گوت: ئهز گهلهك حهز دكهم فێر ببمه سهمايا كوردي چونكو گهلهكا جانه لێ من گول ل دهنگێ سترانێ نهبوو د ناڤ كلتورێ كوردي دا ب تايبهت دهنگێ كچێ يێ كێم بوو ڤێجا نوزا كا ئهگهر چنه.
ههژي ئاماژێ يه ئهڤ فيستهڤاله ژ لايێ رێڤهبهريا گشتي رۆشهنبيري و هونهري سلێمانێ هاتبوو رێكخستن دووماهي هاتنا وێ ژي وهزارهتا رۆشهنبيري و لاوان ب دووماهي ئينان.
كوژمێ سهد و پێنجێ مليون دينارا بو تهرخان كربوون. كو وهلاتێن ئيسپاني، بهرازيلي، كولومپي، عيراقي و هتد تێدا د بهشدار بوون.
زاخو24
منتديات أقليم كوردستان
منتديات كوردسنتر
دهوك-خزمه ت
بوشايا ريكلاما
بوشايا ريكلاما
بوشايا ريكلاما
بوشايا ريكلاما
بوشايا ريكلاما
بوشايا ريكلاما
بوشايا ريكلاما
بوشايا ريكلاما