كي ئهڤان پرۆگرامێن خواندنێ ددانيت؟ د ناڤ ههر جڤاكهكێ دا دڤێت پووتهكێ باش ب خواندن و زانينێ بدهن. وهسا دياره گهلێ كورد ب درێژاهيا ديروكێ گهلهك بزاڤ كرينه كو ئهو ژي وهكي ههموو مللهتێن جيهانێ بژين و خۆ ژ مهزنترين نهخۆشي قورتال بكهن، بهري نوكه دهليڤێن باش پهيدا نهبوون ههتا كو بشێن خۆ دگهل گهلێن جيهانێ بگونجينن، بهلێ ههر د قووناغێن سهخت و دژوار ژي دا گهلهك بزاڤ كرينه كو گهلێ كورد شياينه خۆ ژ مرنێ قورتال بكهن، ب تايبهتي ل كوردستانا عيراقێ و ل دهمێ دهستپێكرنا شورهشا ئيلونا مهزن ب سهركێشيا بارزانيێ نهمر سهركردايهتيا شورهشێ بريار دا خواندنگهها ل دهڤهرێن د بن دهسههلاتا شورهشێ دا بێنه ڤهكرن و ئاگاداريا وان مامۆستا هاتهكرن، ئهوێن پهيوهندي ب شورهشێ كري، كۆم ببن و پهروهردهكێ دروست بكهن و مامۆستا ل سهر خواندنگهها دابهش بكهن، ئهوێ ڤالاهيێ تژي بكهن و زارۆكێن گهلێ مه بێ بههر نهبن ژ خواندنێ و زانينێ و رۆلێ ڤان مامۆستا وهك چرايهكێ ههر دهم گهش يێ دياره د بزاڤا رزگاريخوازا گهلێ مه دا و ئهڤ مامۆستايه وهك پێشمهرگهه كارێ خۆ د خواندنگهها دا دبوراندن. ههر چهنده گهلهك جارا نهدشيان ب رۆژ بخونێن، بهلكو ب شهڤێ ل بهر روناهيا لوكسا خواندن برێڤه دبرن و گهلهك جارا ئهڤ خواندنگههه دكهتنه بن هێرشا فرۆكێن دوژمنا و ب دههان قوتابي و مامۆستا گيانێ خۆ كرييه قورباني ژ پێخهمهتي زانست و زانينێ. هزار سلاڤ ل گيانێ وان بن.
ههروهسا گهلهك خۆلێن تايبهتي بۆ مهزنا ژي دهاتنه ڤه كرن بۆ فێركرنا مهزنا و نههێلانا نهخوێندهواريێ د ناڤ گهلێ مه دا. ئهڤ سيستهمێ د ناڤ شورهشێ دا ژي ههر ئهو سيستهم و پروگرام بوون ئهوێن حوكمهتا عيراقێ پهيرهو دكرن و ل سهر ڤي سيستهمێ خواندنێ ب سهدان پسپور و شارهزا دهر چووينه و ئهڤرۆ سهرپهرشتيا رێڤهبهريا گهلێ مه دكهن و ئهڤه ژي جهێ شانازيێ يه، بۆ گهلێ مه و سهركردايهتيا شورهشا ئيلونا مهزن. ههروهسا شورهشا گولانێ ژي سهركردايهتيا شورهشێ ههمان رۆل پهيرهو كريه ههتا كو سهرهلدان دهست پێكري. ل دهمێ ڤهكێشانا رێڤهبهرێن حوكمهتا عيراقێ ژ ههرێما كوردستاني. جارهكا دي رۆلێ سهرۆك بارزاني ناهێته ژ بيركرن وهكه ههر جار خوه ل گهلێ خۆ كرييه خودان و ئهڤ فالاهيه هاته پركرن و د وان كاودانێن تهنگ جارهكا دي مامۆستايێن خۆشتڤي ل دووڤ گازيا سهرۆكێ خۆ هاتن ب معاشهكێ بێ بهرامبهر خزمهتا گهلێ خۆ كرن و شيان بهردهواميێ ب پروگرام و سيستهمێ خۆ يێ خواندنێ بدهن، زارۆكێن مه پهروردهكرن و ههتا ئهم گههشتين قووناغا رزگاركرنا عيراقي و ههموو دهڤهرێن كوردستانێ ئازاد بوون. ئهم كهتين ههرێمهكا ئازاد و سهربخو دا و ههموو رێك ل بهر سنگێ مه ڤه بوون پهروهرده و زانستێ مه بهرهڤ كێ ڤه؟ ئهرێ ئهڤ پروگرامێن خواندنێ كي ددانيت و كي خۆ ب پسپوري زماني دانيت؟ راسته ژ بهر كو گهلێ مه د گهلهك قووناغێن سهخت و دژوار دا دهرباز بوويه و گهلهك پهيڤ و گۆتنێن رهسهن و خۆ رهستێن كوردي تهعريب يان تهتريك يان تهفريس بووينه، بهلێ گهلهك گۆتن يان پهيڤ يان ناڤ ژ لايێ هندهك كهسا ڤه هاتينه چێكرن بێ بزانێن كو جهێ وان گۆتن پهيڤ يان ناڤێ هاتيه چێكرن هێشتا پهيڤا رهسهنا كوردي يا خۆرست د ناڤ دهرزهكا گوپێتكا چيايهكي كوردستانێ دا هاتيه پاراستن و دگهل بازڤريكا بهفرێ د چلێ زڤستانێ دا دهنگێ خۆ و سهرێ خۆ بلند دكهت و دبێژيت ها ئهڤه ئهزم يا ديارم كهس نهشێت ئێدي من كيڤي كهت و دێ چم ناڤ ههموو مالهكا كورد دا تهنا روونم. د گهل رێزێن مه بۆ ههر زمانزانهكێ كورد خۆ ماندي كري بۆ ساخكرنا پهيڤهكێ يان گۆتنهكا رهسهن ژ زماني مه يێ شرين.
0 Comments
Leave a Reply. |
به ش
بابهت و بوچوون
ئه رشيف
|