رژێما ئيرانێ سێدارهدانا گهنجێ كورد راگرت پشتي كو رژێما ئيرانێ بريار داي گهنجێ كورد حهبيبوللا لهتيفي ل سێداره بدهت، ههم د ئاستێ چار پارچهيێن كوردستانێ دا و ههم ژي د ئاستێ نيڤدهولهتي دا گهلهك سازي و رێكخراوێن مهدهني داخوازا راگرتنا سێدارهدانا لهتيفي ژ دهولهتا ئيرانێ كرن و د ئهنجام دا هێژي بريار جي به جي نهبوويه. ئهندامهكي پارتيا ديمۆكرات يا كوردستانێ بۆ ئهڤرۆ ديار كر كو پارتيا وان ژي تێدا ب گشتي 91 رێكخراوێن كوردستاني داخوازا راگرتنا بريارا سێدارهدانێ ژ دهولهتا ئيرانێ كرينه و ل دژي دهولهتێ و سياسهتێن رژێما ئيرانێ دهست ب چالاكيێن شهرمهزار كرنێ كرينه و گۆت:هندهك ژ وان پارتيان ژي ئهڤن، كۆمهلهيا شورهشگهرێن كوردستانا ئيرانێ، پارتيا ديمۆكرات يا كوردستانا ئيرانێ، پارتيا كومونيست يا ئيرانێ، پارتيا زهحمهت كێشاني كوردستان، پارتيا چهپ يا كورد ل سوريا، پارتيا ژيانا ئازاد يا كوردستانێ ژي تێدا ب گشتي 91 رێكخراوان داخوازا راگرتنا سێدارهدانا گهنجێ كورد ل رژێما ئيرانێ كرينه. ل ئاليێ دي ل ههرێما كوردستانێ ژي دهنگێ نهرازيبوونا ل دژي سێدارهدانا لهتيفي بلند بوو و گهلهك رهوشهنبير و رۆژنامهڤانان داخواز ل رژێما ئيرانێ كرن ئهو چهندين سالن براتي و ئاشتي د ناڤبهرا گهلێن ئيرانێ و كورد دا ههيه و ئيرانێ د دهمێن گهلهك زهحمهت دا هاريكاريا دوستانه دايه گهلێ كورد ل ههرێما كوردستانێ و ئهم داخواز دكهين كو ئهو براتي نهبيته ئهگهرێ هندێ كو ب سێدارهدانا گهنجێ كورد ئهو زهمينه ژ ناڤ بچيت. ب تايبهتي ژي ل باژارێ سلێمانيێ و ل پاركا ئازادي ژي هژمارهكا وهلاتيێن كورد چالاكيهك ل دار خستن و داخوازا راگرتنا بريارا سێدارهدانا لهتيفي ل دهولهتا ئيرانێ كرن. ل ئاليێ دن كهمال ئامهدي ئهندامێ كومهلهيا كوردان ل ئهلمانيا ژي ديار كر كو ل باژارێ بون ل ئهلمانيا ب هزاران كورد ل چار پارچهيێن كوردستانێ رۆژا 52/21/0102 چالاكيهك ئهنجام دان و داخوازا راگرتنا سێدارهدانا لاوێ كورد ژ حكوومهتا ئيرانێ كرن، وهلاتيێن كورد د ههمان دهمێ دا ژي داخواز ژ نهتهوێن يهكگرتي و وهلاتێن ئوروپا كرن كو ئێدي ل ههمبهر وان كريارێن هوڤانه و دوور ژ پرهنسيبێن مرۆڤي يێن دهولهتا ئيرانێ ل ههمبهر گهلێ كورد بێدهنگ نهمينن و ب ريێا گڤاشتنان ل سهر حكوومهتا ئيرانێ وهسا بكهن دا كو ئهو بريار جي به جي نهبيت و ههر وهسا بريارا سێدارهدانێ ل ئيرانێ نهمينيت. چالاكيێن كوردان ل بريتانيا و سويد و فرهنسا ژي ب رهنگهكي مهزن بهردهوام كرن و كوردێن ههر چار پارچهيێن كوردستانێ دژبهريا خوه ل ههمبهر سياسهتێن ئيرانێ ل ههمبهر گهلێ كورد نيشا دان و د ههمان دهمێ دا ژي رێكخراوا لێبورينا جيهاني ژي داخوازا راگرتنا بريارا سێدارهدانا لهتيفي ژ حكوومهتا ئيرانێ كرن.
0 Comments
Leave a Reply. |
به ش
بابهت و بوچوون
ئه رشيف
|